Ginger Therapy for Kidney failure

இந்தியாவின் தண்ணீர் மனிதருக்கு நீர் மேலாண்மைக்கான ‘நோபல்’ பரிசு: ஆயிரம் கிராமங்களுக்கு குடிநீர் வசதி தந்தவர் - தி இந்து

இந்தியாவின் தண்ணீர் மனிதருக்கு நீர் மேலாண்மைக்கான ‘நோபல்’ பரிசு: 

வேர்க்கடலையில் உள்ள மருத்துவ குணங்கள்..!

வேர்க்கடலையில் உள்ள மருத்துவ குணங்கள்..!

பாதாம் பிஸ்தாவைவிடச் சிறந்தது :

நாம் எல்லாம் பாதாம், பிஸ்தா, முந்திரிப்பருப்புகளில் தான் சத்து அதிகம் உள்ளது என்று கருதுகிறோம். அது தவறு. நிலக்கடலையில் தான் இவற்றையெல்லாம் விட அளவுக்கதிகமான சத்துக்கள் உள்ளன. நோய் எதிர்ப்பு சக்தியை உருவாக்கும் ஆற்றலும் நிலக்கடலைக்குதான் உண்டு.

நிலக்கடலையில் போலிக் ஆசிட் அதிகம் இருப்பதால் இனப்பெருக்கம் விரைவாக நடக்கிறது. எனவே நிலக்கடலையைத் தொடர்ந்து சாப்பிடும் பெண்களின் கர்ப்பப்பை சீராகச் செயல்படுவதுடன் கர்ப்பப்பைக் கட்டிகள், நீர்க்கட்டிகள் ஏற்படாதது மட்டுமல்லாது குழந்தைப்பேறும் உடன் உண்டாகும் என மருத்துவர்கள் கூறுகின்றனர்.

நீரழிவு நோயைத் தடுக்கும் :

நிலக்கடலையில் மாங்கனீஸ் சத்து நிறைய உள்ளது. மாங்கனீஸ், மாவுச்சத்து மற்றும் கொழுப்புகள் மாற்றத்தில் முக்கியப் பங்காற்றுகிறது. நாம் உண்ணும் உணவில் இருந்து கால்சியம் நமது உடலுக்குக் கிடைக்கவும் பயன்படுகிறது. குறிப்பாகப் பெண்கள் நிலக்கடலையைத் தொடர்ந்து சாப்பிட்டுவந்தால் எலும்புத்துளை நோய் வராமல் பாதுகாத்துக் கொள்ளலாம்.

பித்தப்பைக் கல்லைக் கரைக்கும் :

நிலக்கடலையை நாள்தோறும் 30 கிராம் அளவுக்குச் சாப்பிட்டு வந்தால் பித்தப்பை கல் உருவாவதைத் தடுக்க முடியும். 20 வருடம் தொடர்ந்து நடத்தப்பட்ட ஆய்வில் இந்தத் தகவல் தெரியவந்துள்ளது.

இதயம் காக்கும் :

நிலக்கடலை சாப்பிட்டால் எடை போடும் என்று நாம் நினைக்கிறோம். உண்மையல்ல. மாறாக உடல் எடை அதிகமாகாமல் இருக்க வேண்டும் என்று நினைப்பவர்களும் நிலக்கடலை சாப்பிடலாம். நிலக்கடலையில் ரெஸ்வரெட்ரால் என்ற சத்து நிறைந்துள்ளது. இது இதய வால்வுகளைப் பாதுகாக்கிறது. இதய நோய்கள் வருவதையும் தடுக்கிறது. இதுவே மிகச் சிறந்த ஆண்டி ஆக்சிடென்டாகத் திகழ்கிறது.

இளமையைப் பராமரிக்கும் :

இது இளமையைப் பராமரிக்கப் பெரிதும் உதவுகிறது. நிலக்கடலையால் பாலிபீனால்ஸ் என்ற ஆண்டி ஆக்சிடென்ட் உள்ளது. இது நமக்கு நோய்வருவதைத் தடுப்பதுடன் இளமையைப் பராமரிக்கவும் பயன்படுகிறது.

ஞாபக சக்தி அதிகரிக்கும் :

நிலக்கடலை மூளை வளர்ச்சிக்கு நல்ல டானிக் போன்றது. நிலக்கடலையில் மூளை வளர்ச்சிக்குப் பயன்படும் விட்டமின் 3 நியாசின் உள்ளது. இது மூளை வளர்ச்சிக்கும் ஞாபக சக்திக்கும் பெரிதும் பயனளிக்கிறது. இரத்த ஓட்டத்தையும் சீராக்குகிறது.

மன அழுத்தம் போக்கும் :

நிலக்கடலையில் பரிப்டோபான் என்ற முக்கிய அமினோ அமிலம் நிறைந்துள்ளது. இந்த வகை அமினோ அமிலம் செரட்டோனின் என்ற மூளையை உற்சாகப்படுத்தும். உயிர் வேதிப்பொருள் உற்பத்திக்குப் பயன்படுகிறது. செரட்டோனின் மூளை நரம்புகளைத் தூண்டுகிறது. மன அழுத்தத்தைப் போக்குகிறது. நிலக்கடலையைத் தொடர்ந்து சாப்பிடுவோருக்கு மன அழுத்தத்தைப் போக்குகிறது.

கொழுப்பைக் குறைக்கும் :

ஆம், உண்மைதான். நிலக்கடலை சாப்பிட்டால் கொழுப்புச் சத்து அதிகமாகும் என்று நம்மில் பலரும் நினைத்திருப்போம். ஆனால் அதில் உண்மையில்லை. மாறாக மனிதனுக்கு நன்மை செய்யும் கொழுப்பு தான் நிலக்கடலையில் உள்ளது. நிலக்கடலையில் உள்ள தாமிரம் மற்றும் துத்தநாகச் சத்தானது நமது உடலின் தீமை செய்யும் கொழுப்பைக் குறைத்து நன்மை செய்யும் கொழுப்பை அதிகமாக்குகிறது. பாதாமைவிட நிலக்கடலையில் நன்மை செய்யும் கொழுப்பு அதிகமாக உள்ளது. நிலக்கடலையில் உள்ள ஒமேகா-3 சத்தானது நமது உடலின் நோய் எதிர்ப்பு சக்தியை அதிகரிக்கிறது.

கருப்பைக் கோளாறுக்கு முற்றுப்புள்ளி :

பெண்களின் இயல்பான ஹார்மோன் வளர்ச்சியை நிலக்கடலை சீராக்குகிறது. இதனால் பெண்களுக்கு விரைவில் குழந்தைப்பேறு ஏற்படுவதுடன் பெண்களுக்கு ஏற்படும் மார்பகக்கட்டி உண்டாவதையும் தடுக்கிறது. பெண்களுக்குப் பெரிதும் தேவையான போலிக் அமிலம், பாஸ்பரஸ், கால்சியம், பொட்டாசியம், துத்தநாகம், இரும்பு, விட்டமின்கள் ஆகியவை நிலக்கடலையில் நிறைந்துள்ளன. இதன் காரணமாகப் பெண்களுக்குக் கருப்பைக்கட்டிகள், நீர்க்கட்டிகள் ஏற்படுவதையும் தடுக்கிறது.
------------------------------------------------------------------------------------

ஈஷா சிவராத்திரி - விகடன்

ஈஷா சிவராத்திரியில்... லட்சம் பக்தர்கள்!

'சிவா என்றால் 'எது இல்லையோ அது’ என்று பொருள். பிரபஞ்சத்திலேயே மிகப்பெரிய இருப்பு எதுவென்றால், அது எங்கும் காணப்படும் பிரமாண்டமான வெற்றிடம்தான்! இந்த வெறுமையில் எல்லாம் ஒடுங்குகின்றன. இதை விஞ்ஞானமும் ஏற்றுக் கொண்டிருக்கிறது'' என்று சத்குரு அந்த நள்ளிரவில் பேசிய உரையை, கிடுகிடுக்க வைக்கும் குளிரையும் பொருட்படுத்தாமல் கேட்டுக் கொண்டிருந்தனர் லட்சக்கணக்கான மக்கள். ஆம், வெள்ளியங்கிரி மலையடிவாரத்தில் ஈஷாவின் மகா சிவராத்திரி வைபவம் அது! 

திருவையாறு ஆராதனைபோல தினமும் இசைக் கச்சேரி. பரதம் (கீதா சந்திரன்), ஹிந்துஸ்தானி (தேஜேந்திர நாராயண மஜும்தார்), வாய்ப்பாட்டு (டி.வி.சங்கர நாராயணன் மற்றும் ராஜன்  சாஜன் மிஸ்ரா), வயலின் (கணேஷ்  குமரேஷ்) மற்றும் பாம்பே ஜெயயின் வாய்ப்பாட்டுக் கச்சேரி என தினமும் இசை ராஜாங்கம்.

மகா சிவராத்திரியான பிப்ரவரி 17ம் தேதி, பாடகி ஜிலாகான், பாடகர் பார்த்திவ் கோஹிலின் இசை, கூடி நின்ற கூட்டத்தை ஆட்டம் போட வைத்தது. விக்கு விநாயக் ராமின் கச்சேரி முடிந்தும், கைத்தட்டலும் ஆரவாரமும் அடங்க நேரம் பிடித்தது, அந்த மகா கலைஞனுக்குக் கிடைத்த மெகா பாராட்டு!

பொதிகை டி.வி.யில் நேரடி ஒளிபரப்பு. தமிழகம் முழுவதும் 104 இடங்களில், பெரிய திரையில்... என  அன்பர்கள் சத்குருவின் சத்சங்கத்துக்காகக் காத்திருந்தனர். மலையடிவாரத்தில் கூடியவர்களோ ஒன்றரை லட்சத்துக்கும் மேலே!

ஏழு மணிக்கு மேடைக்கு வந்த சத்குரு, அவ்வப்போது சொன்ன கதைகள், பாமரனுக்கும் புரியும் ஆன்மிக விதைகள். நள்ளிரவு 12 மணியளவில், அவர் உள்ளங்கைகளை உரசியபடி, சட்டென்று கை தட்டி உச்சரிக்க... அந்த மந்திரச் சொல்லை லட்சக்கணக்கான அன்பர்கள் மீண்டும் சொல்ல... வெள்ளியங்கிரியின் உச்சியை உரசிவிட்டு வந்தது நமசிவாய கோஷம்!

நமசிவாயம்... நமசிவாயம்... நமசிவாயம்!